Արմավիրի քաղաքապետի հրաժարականը մերժվեց

Կառավարության այսօրվա նիսոտւմ Արմավիրի քաղաքապետ Ռուբեն Խլղաթյանի հրաժականի դիմումը չընդունվեց:

Վաչե Տերտերյանը հայտարարեց, որ հանդիպել է քաղաքապետի հետ, նրա ներկայացրած դրդապատճառները համադրվել են նրա հրապարակային ներկայացված դրդապատճառների հետ, եւ արաձանագրում են, որ դրանք չեն առնչվում պաշտոնական պարտականությունների եւ օրենքով վերապահված լիազորությունների իրականացման հետ:

«Դրանք անձնական են եւ էմոցիոնալ հարթության մեջ են»,-հայտարարեց Տերտերյանը: Նա նշեց, որ հաշվի առմելով, որ ընդամենը անցած տարվա մարտին է ընտրվել եւ քանի որ համայնքային աշխատանքները բնականոն հունով են ընթանում, առաջարկում են մերժել հրաժարականի դիմումը:

Վարչապետը հայտարարեց, որ կարծում է, որ սա է ճիշտ մոտեցումը, եւ հրաժարականները չպետք է պայմանավորված լինեն քաղաքական գործընթացներով, այլ բուն պարտականությունների չկատարմամբ: