Մոտ ապագայում հրաժարական տվողների ցուցակը

Առաջիկա մեկ-երկու ամիսներին պաշտոնանկությունների պակաս քաղաքական դաշտում չի զգացվի: Ինչպես ասում են` առջեւում ծանր օրեր են:

Yerkir.am-ի տեղեկություններով` մի քանի մարզպետերի եւ քաղաքապետերի պաշտոնանկության մասին հստակ հայտարարվել է ՀՀԿ ԳՄ վերջին նիստում, բայց դրանք հանրությանը մատուցվում են հերթով, կարգով-շարքով, պատեհ պահին:

Մեր աղբյուրները տեղեկացնում են, որ Շիրակի մարզպետ Աշոտ Գիզիրյանի բախտին են արժանանալու նաեւ Վայոց ձորի, Արմավիրի եւ Տավուշի մարզպետերը: Չի բացառվում նաեւ Արագածոտնի մարզպետի հրաժարականը: Քաղաքապետերից հրաժարական, ըստ մեր աղբյուրների, ներկայացնելու են Նոյեմբերյանի եւ Աշտարակի քաղաքապետերը, բացի այդ` Երեւանի Ավան եւ Արաբկիր համայնքների թաղապետերը:

Կառավարության կազմում եւս փոփոխություններ են սպասվում: Ըստ մեր աղբյուրների` նախարարի պաշտոնին հրաժեշտ կտան ԿԳ նախարար Արմեն Աշոտյանը, մշակույթի նախարար Հասմիկ Պողոսյանը, բնապահպանության նախարար Արամ Հարությունյանը, աշխատանքի եւ սոցիալական հարցերի նախարար Արտեմ Ասատրյանը:

Նշենք, որ այս ցուցակը դեռեւս վերջնական չէ: