Ոչ ոք իրավունք չունի իմ և իմ հայրենակիցների ապագան վաճառել

Ազատության հրապարակում մեկնարկել է Րաֆֆի Հովհաննիսյանի հանրահավաքը: Ելույթներ են ունենում «Ժառանգություն» կուսակցության  ներկայացուցիչները:

«Ժառանգության» փոխնախագահ Արմեն Մարտիրոսյանն իր խոսքում ասաց. «Բոլորս համախոհներ ենք, մի գաղափարի տեր, և այդ գաղափարն է Հայաստան: Մենք ճանապարհ ունենք, որը տանելու է դեպի հաղթանակ, այլընտրանք չկա, ուստիև բոլորս գնալու ենք այն հաղթանակի ճանապարհով, որը սկսեցինք կերտել փետրվարի 18-ին»:

Ներկայացուցիչներից մեկն իր խոսքում նշեց, որ, ամեն ինչից անկախ, ՀՀ քաղաքացին ընդունել է իր որոշումը և պետք է առաջ շարժվել հաղթողին վայել խոհեմությամբ, նորոգված հավատով դեպի նոր որակի Հայաստանի Հանրապետություն ընթանալ:

«Ժառանգություն» կուսակցության վարչության անդամ Մարգարիտա Հակոբյանը հայտարարեց. «Քարոզարշավի ընթացքում մենք օր օրի հասկանում էինք, թե ինչպես է մարդկանց մոտ հավատ ձևավորում: Ոչ ոք իրավունք չունի իմ և իմ հայրենակիցների ապագան վաճառել»: