Ոչ ոք իրավունք չունի զրկելու երեխային կյանքից` ինչ է, թե նա վերջույթներ չունի. նախարար

Երեխան, որը ծնվել էր առանց վերջույթների, մշտապես առողջապահության նախարարության ուշադրության կենտրոնում է: ՀՀ առողջապահության նախարար Արմեն Մուրադյանը լրագրողների հետ հանդիպման ժամանակ նշեց, որ ոչ ոք իրավունք չունի զրկելու երեխային կյանքից` ինչ է, թե նա վերջույթներ չունի:

«Ես մի քանի օր առաջ եմ այցելել նրան: Երեխան իր մյուս սոմատիկ ֆունկցիաներով առողջ է: Որոշ ժամանակ անց հնարավոր կլինի նաև պրոթեզավորում իրականացնել»,- ասաց Մուրադյանը:

Նախարարը հավաստիացնում է նաև, որ հղիության ընթացքում ուլտրաձայնային հետազոտություն արվել է, ինչ վերաբերում է հարցի բարոյական կողմին, չի ցանկանում որևէ պատասխան տալ, քանի որ այն կլինի հուզական: