Գարի Բարսեղյանի նկարները ցուցադրվում են Վրաստանում

Փետրվարի 7-ին Վրաստանի հանրային գրադարանում բացվել է աբստրակտ ոճի նկարիչ Գարի Բարսեղյանի` Դե Կարլոյի նկարների ցուցահանդեսը:

«Грузия Online»-ը տեղեկացնում է, որ ցուցահանդեսը կրում է «Աբստրակցիա» խորագիրը, ներկայացված է յուղաներկով եւ ապակու վրա արված գեղանկարչություն:

«Ապակու վրա արված նկարները կարող են ինտերիերի մաս դառնալ` տներում, ակումբներում եւ գեղարվեստի կենտրոններում: Կարծում եմ` ներկայացված աշխատանքները պետք է բարձրացնեն մարդկանց տրամադրությունը, քանի որ նախ` ես օգտագործում եմ վառ գույներ եւ հետո` աբստրակտ ժանրը մարդուն հնարավորություն է տալիս տեսնել այն, ինչ նրանք են ցանկանում տեսնել»,- ասել է Բարսեղյանը: