Լիսկայի ժամը լրացել ա. ''Ժամանակ''

«Էսօր քո ժամդ էլ ա լրացել, իմն էլ։ Վաղը մեր տեսակետը մամուլով` կարտահայտվի` մեր արած գործը և էդ տգետի արտահայտության պատասխանը»,- երեկ ԱԺ նիստից հետո «Ժամանակի» հարցին ի պատասխան հայտարարել է Սյունիքի մարզպետ Սուրեն Խաչատրյանը` մեկնաբանելով իր` «Դե ֆակտոյի» էջերում տարվա մարզպետ հռչակվելու մասին ԱԺ-ում ՀԱԿ անդամ Արամ Մանուկյանի հնչեցրած գնահատականը։

Թերթի թղթակցի դիտարկմանը, թե լրագրողի աշխատանքային ժամը չի լրացել, մարզպետը հայտարարեց. «Դե աշխատի, քեզ ով ա խանգարում, դու աշխատի, ինձ հանգիստ թող»:

«Ի դեպ, որոշ տեղեկություններով, «Դե ֆակտո» ամսագրում «Տարվա մարդ» դառնալն արժե 10 հազար դոլար։ Թե որքան արժե «Տարվա մարզպետ» կոչումը՝ մեզ հայտնի չէ»,- գրում է «Ժամանակ» օրաթերթը։