Քանի դեռ մարզպետերի աշխատանքի մեկ տարին չի լրացել, կասկածելի է պարգևատրման հիմքը. Գևորգ Պետրոսյան

ԲՀԿ խմբակցության պատգամավոր Գևորգ Պետրոսյանը ԱԺ ճեպազրույցների ժամին թեև պնդեց, որ ԱԺ-ն չունի իրավազորություն քննարկելու մարզպետերի պարգևատրման հարցը, այնուամենայնիվ, հայտնեց իր անձնական կարծիքը:

«Պարգևատրումները կատարվում են տարեկան գործունեության արդյունքների հիման վրա, քանի դեռ մարզպետերի աշխատանքի մեկ տարին չի լրացել, կասկածելի է պարգևատրման հիմքը»,- ասաց նա:

Ըստ պատգամավորի` եթե պատկան մարմինները, օրինակ` հաշվեքննիչ պալատը հատնաբերի խախտում, ԲՀԿ-ն երբեք չի խորշի այդ խախտման իրավաբանական գնահատականը տալ: «Մենք շահագրգիռ ենք, որ ՀՀ բյուջեով ոչ մի ոչ նպատակային ծախս չկատարվի: Այս պահին պետք է նախ խախտում հայտնաբերվի: Ես կարող եմ իմ անձնական կարծիքը հայտնել, բայց ես ներկայացնում են քաղաքական ուժ. քանի դրանք իրավասու մարմինների կողմից չեն համարվել խախտումներ, մենք գնահատական չենք տա: Իմ անձնական կարծիքն այն է, որ պարգևատրումները կատարվում են տարեկան գործունեության արդյունքների հիման վրա, քանի դեռ նրանց մեկ տարին չի լրացել, կասկածելի է պարգևատրման հիմքը: Թող բարի լինեն պատկան մարմինները` հաշվեքննիչ պալատը և մյուսները, դա արձնաագրեն որպես խախտում, եթե արձանագրվի այդ խախտումը, դա դուրս չի մնա ԲՀԿ ուշադրության կենտրոնից»,- ասաց Պետրոսյանը: