Օջալանն ''անհասանելի'' է փաստաբանների համար

Քրդական բանվորական կուսակցության առաջնորդ Աբդուլլահ Օջալանի փաստաբաններին Բուրսայի դատախազը թույլ չի տվել այցելել իրենց պաշտպանյալին. ըստ Regnum գործակալության` տեղեկատվությունն այսօր տարածել է քրդական Firat գործակալությունը:

Փաստաբանները խնդրագիր են ներկայացրել իշխանություններին` համապատասխան կարգի համաձայն` ամեն երկուշաբթի եւ հինգշաբթի: Սակայն փետրվարի 5-ին թուրքական իշխանությունները հայտնել են, թե նավակը, որը գնում է Իմրալը կղզի, իբր շարքից դուրս է եկել, հետեւաբար` տրանսպորտային կապ բանտի հետ չկա:

«Նավակի սարքին չլինելը կամ վատ եղանակը սովորական «արդարացում» են դարձել իշխանությունների համար»,- ասել են փաստաբանները գործակալությանը: Նրանց թույլ չեն տալիս Օջալանին տեսակցել 2011-ի հուլիսի 27-ից:

Ի դեպ, Եվրահանձնաժողովի պատվիրակությունը բանտում կտտանքների մասին ահազանգով հունվարի 17-ին այցելել էր Իմրալը, սակայն որեւէ եզրակացություն, զեկույց մինչ օրս չի հրապարակվել: