Ես իմ երկրում պաշտպանության կարիք չունեմ. Րաֆֆի Հովհաննիսյան

Այսօր «Դեբատ» ակումբում Րաֆֆի Հովհաննիսյանը հանդիպում ունեցավ ֆեյսբուքյան օգտատերերի հետ ու պատասխանեց նրանց հարցերին:

Օգտատերերից մեկը հարցրեց Հովհաննիսյանին, թե Հայրիկյանի հետ տեղի ունեցածից հետո հնարավո՞ր է` թիկնապահներ վարձի: «1999-ին Թուրքիայում ինձ հետ երկու թիկնապահներ կային, որոնցից  մեկն այժմ գործող, մյուսը` նախկին նախագահի պաշտպանության ծառայության մեջ են: Ես հպարտ եմ, որ իրենք այսօր պետական ծառայության մեջ են: Ընդունում եմ, որ պիտի քաղաքական գործիչն ունենա նվազագույն պաշտպանվածություն: Բայց կարծում եմ, որ գոնե իմ երկրում ես պաշտպանության կարիք չունեմ: Ես չեմ պատրաստվում իմ կյանքի ձեւն ու բովանդակությունը փոխել: Կյանքս կշարունակեմ առանց թիկնապահների»,-պատասխանեց «Ժառանգության» առաջնորդը: