Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Արցախի 44-օրյա պատերազմի օրերից հայտնի լուսանկարի տղային՝ Ալբերտ Հովհաննիսյանին Արցախի նախագահ Արայիկ Հարությունյանի հրամանագրով պետք է շնորհվեր «Արիության համար» մեդալ, որը մինչ օրս չի շնորհվել ընտանիքին։ Այս մասին Tert.am-ի հետ զրույցում ասաց Ալբերտ Հովհաննիսյանի հայրը՝ Արտակ Հովհաննիսյանը:
«Մինչ այսօր մեդալը չի հանձնվել մեզ և կա միայն հրամանագիրը: Մեդալը չի շնորհվել, իսկ ես անգամ ցանկություն չունեմ ինչ-որ մեկի հետ կապ հաստատել և հասկանալ՝ ինչու ամիսներ անց հետմահու մեդալը չի շնորհվել»,- ասաց Արտակ Հովհաննիսյանը:
Հիշեցնենք՝ հոկտեմբերի 8-ին Արցախի նախագահ Արայիկ Հարությունյանը իր ֆեյսբուքյան էջում արեց հրապարակում, որտեղ նշված էր՝ Արցախը բարձր է գնահատում հերոսի սխրանքը, և Արայիկ Հարությունյանի հրամանագրով՝ Ալբերտ Հովհաննիսյանը պարգևատրվել է «Արիության համար» մեդալով: