Հացադուլը մարդու համար լուրջ փորձություն է. Հմայակ Հովհաննիսյան

Հայաստանի քաղաքագետների միության նախագահ Հմայակ Հովհաննիսյանն իր դեմ հարուցված դատական գործի և նախընտրական քարոզարշավի համընկնումը  պատահական չի համարում, և պնդում է, որ այդ դատական գործը  դաժան քաղաքական հալածանք է` ծրագրված իշխող վարչակարգի կողմից:

Լրագրողներիմ հետ հանդիպման ժամանակ  ՀՔՄ նախագահը հայտարարեց, որ իշխանություններն ամեն ինչ անում են` փոշիացնելու քաղաքական դաշտը, սակայն ինքը հակառակն է անում, ինչը դուր չի գալիս իշխանություններին,  ավելին` իր վերլուծություններից բոլորը «վառվում են», քանի որ ինքը տեսնում է այն, ինչ ոչ ոք չի տեսնում:

Անդրադառնալով նախագահական ընտրություններին` Հովհաննիսյանն ասաց, որ իշխանությունների համար կանխատեսելի էր բոլոր թեկնածուների առաջադրումը:  Միակ անակնկալն,  ըստ նրա, Անդրիաս Ղուկասյանի առաջադրումն էր: ՀՔՄ նախագահը նաեւ ասաց, որ հացադուլը մարդու համար լուրջ փորձություն է:

«Իշխանություններն իրենք են նախաձեռնել Պարույր Հայրիկյանի առաջադրումը նախագահական ընտրություններում, քանի որ, եթե  նա ուզենար մասնակցել ընտրություններին,  կմասնակցեր ԱԺ ընտրություններին»,- ասաց նա և հավելեց, որ Պարույր Հայրիկյանն այնքան խելք ունեցավ, որ  ասաց, թե  կհանի հացադուլից Անդրիաս Ղուկասյանին: