Նորից ''Նժդեհ'' ֆիլմի մասին. ''Ժամանակ''

«Դուք լավ գիտեք, որ Սյունիքի մարզի գլխավոր հերոսներից մեկը Գարեգին Նժդեհն է, հիմա ի՞նչ կապ ունի` 7 մլն դոլար է, թե 17 մլն է: Անկախ` վատ է նկարել, լավ է նկարել, փորձ է արել ինչ-որ բան նկարել թե’ պետական, թե’ սեփական միջոցներով»,- Գարեգին Նժդեհի մասին ֆիլմի ֆինանսավորման կապակցությամբ «Ժամանակին» ասել է Զանգեզուրի պղնձամոլիբդենային կոմբինատի գլխավոր տնօրեն Մաքսին Հակոբյանի առաջին օգնական Արթուր Հակոբյանը` հավելելով. «Պրոստո ամոթալի ա նման թեմա շահարկել»:

Նա նաեւ ասել է թերթին, թե տեղյակ չէ` իրականում ինչքան գումար է տվել ֆիլմի նկարահանման համար կոմբինատը` տեղեկացնելով, որ առաջիկայում ֆինանսավորելու են նաեւ «Անահիտ» ֆիլմը: Հարցրել է. «Դա է՞լ եք քննադատելու»: