Սոմալեցի գրոհայինները մահապատժի են ենթարկել ֆրանսիացի պատանդին

«Ալ Շաբաբ» ահաբեկչական  խմբավորման սոմալեցի գրոհայինները մահապատժի են ենթարկել ֆրանսիացի պատանդ Դենի Ալեքսին, որը նրանց մոտ էր 2009 թվականից: Այդ մասին ահաբեկիչները հայտնել են Tweeter-ում:

Ըստ նրանց` ֆրանսիական հետախուզության գործակալը սպանվել է հունվարի 16-ի երեկոյան: Այդ տեղեկությունը նրանք հաստատել են նաեւ France-Presse գործակալության հետ հեռախոսազրույցում` խոստանալով ավելի ուշ տեսանյութ տրամադրել:

Մինչդեռ Փարիզը պնդում էր, որ Ալեքսը զոհվել է նրա ազատմանն ուղղված անհաջող ռազմական գործողության ժամանակ` հունվարի 12-ին:

Ալեքսն իր գործընկերոջ հետ 2009-ին գերի էր ընկել ահաբեկիչներին: Գործընկերոջը հաջողվել էր փախչել, իսկ Ալեքսը դարձել էր «Ալ Շաբաբի» շանտաժների առարկան: