Պետկրկեսին պատկանող ձին սատկել է սիբիրախտից

«Ժողովուրդ» օրաթերթի խմբագրությունը ձեռք է բերել անասնաբուժական փորձաքննության եզրակացությունը, որով հաստատվում է, որ անցյալ տարվա դեկտեմբերի 11-ին պետկրկեսին պատկանող ձին սատկել է սիբիրախտից: Ասել է թե՝ սիբիրախտը Վարդենիսից հասել է մայրաքաղաք:

Կրկեսի ձիերը պահվում են «10-ից 10» համալիրի ձիարշավարանում: «Ժողովուրդ»-ը, այնուամենայնիվ, փորձեց ձիարշավարանից պարզել, թե որն է ձիու անկման պատճառը: «10-ից 10» համալիրի աշխատակից Խորենը թերթի հետ զրույցում համառորեն պնդեց, որ դեռ փորձաքննության պատասխանը չկա, բացի այդ, ձին ունեցել է երիկամի խնդիր: Թե ինչ կամ ինչու են թաքցնում ձիարշավարանում, այդպես էլ անհասկանալի մնաց:

Նշված ձիարշավարանը պատկանում Է «X գրուպ»-ի սեփականատեր Խաչիկ Խաչատրյանին (ձվերի Խաչիկ):