Ադրբեջանցի երիտասարդները ակցիա են անցկացնելու զինվորի մահվան կապակցությամբ

Ադրբեջանցի երիտասարդները վաղը բողոքի ակցիա են անցկացնելու Բաքվում ադրբեջանական բանակի զինվոր Ջեյհուն Գուբադովի մահվան կապակցությամբ: 

Ըստ  SalamNews-ի` այդ մասին տեղեկատվությունը տարածվել է սոցիալական ցանցերում: 

«Մշտապես տեղեկություններ են ստացվում զինվորների մահվան մասին: Մեղավորները չեն պատժվում: Եթե մենք չասեն` stop, ապա ոչ ոք չի ասի»,- ասվում է հայտարարության մեջ եւ նշվում, որ ակցիան քաղաքական բնույթ չի ունենալու:

Հիշեցնենք, որ, ըստ vesti.az-ի, Դաշքեսանի շրջանում տեղակայված զորամասի զինծառայող Ջեյհուն Զաման օղլու Գուբադովը (ծնված 1994 թ.) մահացել էր պարեկության ժամանակ: Նախնական վարկածով` մահվան պատճառը սրտի կաթվածն էր: