Ինչպե՞ս է վճարել ընտրագրավը Արամ Հարությունյանը

«Ազգային համաձայնություն» կուսակցության ղեկավար, ՀՀ նախագահի թեկնածու Արամ Հարությունյանի ընտրագրավը ուշ վճարելը պայմանավորված է նրանով, որ բանկերն այդ օրը փակ են եղել: Այդ մասին լրագրողների հետ հանդիպման ժամանակ հայտարարեց թեկնածուն և լրագրողներին խնդրեց չհարցնել, թե իրեն որտեղից գումար` ընտրագրավը վճարելու համար, միևնույն է` չի ասելու:

Սակայն Yerkir.am-ի հետ զրույցում թեկնածուն, այնուամենայնիվ խոսեց: Հարցին`  ո՞վ է նրան օգնել վճարել ընտրագրավը, Հարութունյանը ասաց. «Իմ համակիր ընկերները»:

Իսկ, ընդհանրապես, կուսակցությունը որևէ հովանավոր չունի և ֆինանսական օգնություն չի ստանում, ընտրարշավի ժամանակ Հարությունյանն իրեն շռայլություններ թույլ չի տալու: «Նույնիսկ մարդիկ են եղել, որ եկել են կուսակցության գրասենյակ, մի 1000 դրամ խնդրել,  չենք տվել, ասել ենք` մենք նման գործունեությամբ չենք զբաղվում»,- ասում է նա: