Newsweek-ն ամբողջությամբ անցել է էլեկտրոնային տարբերակի

Այս շաբաթ ամերիկյան հասարակական-քաղաքական Newsweek ամսագիրը, որն ամեն շաբաթ է լույս տեսնում, ամբողջությամբ անցել է էլեկտրոնային տարբերակի. տեղեկացնում է Focus-ը: Օնլայն տարբերակը կոչվելու է Newsweek Global:

1933 թվականի փետրվարին հիմնադրված ամսագիրը իր 80-ամյակին չձգեց ընդամենը 2 ամիս: Newsweek-ի գլխավոր խմբագիր Թինա Բրաունը հայտարարել է, որ փոփոխությունները ոչ միայն ցանկալի են, այլեւ անհրաժեշտ:

Թղթային տարբերակից հրաժարվելը պայմանավորված է ֆինանսական դժվարություններով. վերջին շրջանում ամսագիրը կորցրել էր իր ընթերցողների մեծ մասին, իսկ գովազդները հիմնականում տեղադրվում են կայքում: Ի դեպ, նմանօրինակ դժվարություններ ունեն ամերիկյան այլ հրատարակություններ եւս: