Նոր տարվա սեղանն` ըստ օձի ճաշակի

Yerkir.am-ն արդեն տեղեկացրել է, որ 2013-ն, ըստ չինական հորոսկոպի, սև ջրային օձի տարի է: Օձի տիեզերական նշանը կրակն է: Այս առումով մասնագետները խորհուրդ են տալիս Նոր տարին դիմավորելիս սեղանի վրա անպայման մոմեր վառել: Բացի այն, որ դա ընտանեկան ջերմ մթնոլորտ է ստեղծում, կրակը նաև ցրում է կուտակված բացասական էներգիան:

Քանի որ օձերը բուսակեր չեն, ապա խորհուրդ է տրվում տոնական սեղան գցելիս չխնայել մսամթերքը: Ամանորի սեղանի գլխավոր ուտեստը, բացի ավանդական խոզի բդից, կարող է լինել նաև տապակած նապաստակը: Ջրային օձը շատ է սիրում նաև ձկնեղեն: Խորհուրդ է տրվում աղցաններն ու այլ ուտեստները զարդարել կանաչեղենով: Օձին դա դուր կգա:

Եվ հիշեք, որ օձն իր զոհին ընտրում է իր չափերին համապատասխան: Այնպես որ` ամանորյա սեղանից օգտվելիս աշխատեք չկորցնել չափի զգացողությունը, որպեսզի տոն օրերը չանցկացնեք հիվանդանոցային անկողնում: