Լահդար Բրահիմին հանդիպելու է Բաշար Ասադի հետ

Այսօր ՄԱԿ-ի Արաբական պետությունների լիգայի հատուկ պատվիրակ Լահդար Բրահիմին Դամասկոսում հանդիպելու է Սիրիայի նախագահ Բաշար Ասադի հետ եւ քննարկելու է  ճգնաժամից դուրս գալու հեռանկարները: Ալժիրցի դիվանագետը հանդիպումներ կունենա նաեւ ընդդիմության առաջնորդների հետ. տեղեկացնում է ИТАР-ТАСС-ը:

Բրահիմին Դամասկոս է ժամանել կիրակի օրը լիբանանյան սահմանից եւ արդեն բանակցություններ է վարել Սիրիայի ԱԳՆ-ում: «Մայադին» հեռուստաընկերության հետ զրույցում նա հերքել է լուրերը, թե պատրաստվում է հրաժարվել առաքելությունից: Նա նշել է, որ Մոսկվայի միջոցով փորձել է ազդել Սիրիայի նախագահի դիրքորոշման վրա, որպեսզի նա հրաժարվի իշխանությունից:

Ներկայումս Բրահիմին զբաղված է հակամարտության կարգավորման «ճանապարհային քարտեզի» մշակմամբ, որի հիմքում Ժնեւյան փաստաթուղթն է:

Բրահիմիի այցը Դամասկոսը համընկել է Համա նահանգի Խալֆայա քաղաքում կիրակի օրը տեղի ունեցած ողբերգության հետ, որտեղ 4 հրթիռների պայթյունի հետեւանքով 60 խաղաղ բնակիչ է զոհվել, այդ թվում` կանայք եւ երեխաներ: Եվս 50 մարդ տեղափոխվել է հիվանդանոց: Թեեւ պաշտոնական ԶԼՄ-ները չեն մեկնաբանում այդ իրադարձությունը, սակայն անկախ վերլուծաբանները չեն բացառում, որ հրթիռակոծումը հատուկ նպատակ է հետապնդել` տապալել Բրահիմիի առաքելությունը Դամասկոսում: