ՄԱԿ-ը ցանկանում է խաղաղապահներ ուղարկել Սիրիա

ՄԱԿ-ը քննարկում է 4-10 հազար խաղաղապահ Սիրիա ուղարկելու հարցը: Ըստ РИА Новости-ի` այդ մասին հայտարարել է ՄԱԿ-ի կենտրոնական գրասենյակի դիվանագիտական աղբյուրը:

Նրա խոսքերով` երեկ ՄԱԿ-ում անցկացվել է խորհրդակցություն այն երկրների ներկայացուցիչների հետ, որոնք խաղաղապահներ են ուղարկում աշխարհի թեժ կետեր:

«Խնդիրը միայն այն է, որ ՄԱԿ-ը լրացուցիչ ռեսուրսներ չունի: Այսինքն` տարբեր երկրներում տեղակայված 115 հազար խաղաղապահներից հարկ կլինի մի մասին դուրս բերել` Սիրիա ուղարկելու համար»,- պարզաբանել է աղբյուրը: Այդ պատճառով քննարկված ծրագիրը դեռեւս չի նշանակում, որ ՄԱԿ-ն արդեն պատրաստ է Սիրիայում խաղաղապահներ տեղակայել: