ՅՈՒՆԵՍԿՕ-ն մշակութային ժառանգությանը կհետեւի տիեզերքից

Փարիզում` ՅՈՒՆԵՍԿՕ-ի շտաբ-բնակարանում, այսօր անսովոր ատլաս է ցուցադրվել: Այն պարունակում է Համաշխարհային ժառանգության` սպառնալիքի տակ գտնվող օբյեկտների տիեզերական լուսանկարներ:

Ատլասն ապացուցում է, որ բնական աղետները, միջավայրի աղտոտումը, զանգվածային զբոսաշրջությունը եւ զինված հակամարտությունները սպառնում են մշակութային կոթողներին: Տիեզերքից դիտարկումը հնարավորություն կտա հետեւել մշակութային ժառանգության վիճակին, բնական արգելոցների զարգացմանը, նաեւ կլիմայի փոփոխությունների եւ գյուղատնտեսական գործունեության ազդեցությանը դրանց վրա:

Նոր տեխնոլոգիաների կիրառումը հնարավոր է դարձել ՅՈՒՆԵՍԿՕ-ի եւ ԱՄՆ-ի, Գերմանիայի, Ֆրանսիայի տիեզերական գործակալությանների համագործակցության շնորհիվ: