ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. Խմբագիրները կոչով կդիմեն ՍԴ-ին

Այսօր մի շարք լրատվամիջոցների եւ հեռուստաընկերությունների ղեկավարներ հանդես են գալու հայտարարությամբ` կապված ՀՀ օմբուդսմեն Կարեն Անդրեասյանի` Սահմանադրական դատարան դիմելու եւ զրպարտության ու վիրավորանքի հոդվածների ապաքրեականացումը հակասահմանադրական ճանաչելու գործընթացի հետ:

Խմբագիրների կոչն ավելի շուտ ուղղված է լինելու Սահմանադրական դատարանին, այն է` մինչեւ նրա կողմից վերջնական որոշման կայացումը, միջոցներ գործադրել Քաղաքացիական օրենսգրքի վիճարկվող հոդվածի գործնական կիրառումը կասեցնելու նպատակով: Խմբագիրները պատրաստ են պատկան մարմիններին ներկայացնել իրավիճակի հաղթահարման կոնկրետ առաջարկներ: