Նացիստ Հռոմի պապը

Հռոմի պապ Բենեդիկտոս 16-րդը խոստովանել է, որ պատանեկան տարիներին ստիպված է եղել անդամագրվել «Հիտլերյուգենդ» նացիստական կազմակերպությանը:

Ըստ France Presse գործակալության` կաթոլիկների հոգեւոր առաջնորդն այդ խոստովանությունն արել է Գերմանիայի բարձրաստիճան կաթոլիկ հոգեւորականների հետ հանդիպման ժամանակ:

«Անդամակցությունն այդ կազմակերպությանը իմ կյանքի ամենամութ շրջաններից է եղել»,- ասել է Բենեդիկտոս 16-րդ` հավելելով, որ Երկրորդ համաշխարհային պատերազմի նախաշեմին Գերմանիան բարդ ժամանակներ էր ապրում. «Թվում էր` Եվրոպան Հիտլերի իշխանության ներքո կմնա, այդ իշխանությունը սպառնում էր նաև քրիստոնեությանը»: