Իրանը պատրաստ է ԼՂ հիմնախնդրի կապակցությամբ առաջարկներ անել

Օրեր առաջ Կազանում Իրանի արտգործնախարարության ներկայացուցիչ Ռամին Մեհմանպարաստը հայտարարել է, որ եթե Հայաստանն եւ Ադրբեջանը ցանկանան, Իրանը պատրաստ է Ղարաբաղյան հակամարտության կարգավորման առաջարկություններ անել. տեղեկացնում է Tehran Times-ը:

Մեհմանպարաստը նշել է, որ «սահմանային վեճեր սովորաբար ծագում են հարեւան երկրների միջեւ, եւ տարածաշրջանից դուրս գտնվող երկրները ձգտում են վեճերն օգտագործել` տարածաշրջանային հարցերին միջամտելու համար»: «Իրանը հանդես է գալիս այդ հարցով բանակցությունների եւ խորհրդատվությունների շարունակման օգտին եւ պատրաստ է օգնել լուծել Երեւանի եւ Բաքվի միջեւ տարածքային վեճը»,- ասել է Իրանի ԱԳՆ ներկայացուցիչը:

Նա նաեւ նշել է, որ Ռուսաստանը եւ Իրանը կարող են էական դեր խաղալ տարածաշրջանում ուժերի հավասարակշռության պահպանման հարցում: