Վճռաբեկ դատարանը հակադարձել է Սպարտակ Մելիքյանին

Վճռաբեկ դատարանն այսօր հակադարձել է  պատգամավոր Սպարտակ Մելիքյանի` հոկտեմբերի 4-ին ԱԺ ամբիոնից արած հայտարարությանը` մեղադրելով պատգամավորին դատարանի վրա ճնշում գործադրելու համար:

«Սպարտակ Մելիքյանը, դատական համակարգի հանդեպ ունեցած իր կարծեցյալ մտահոգություններն արտահայտելու պատրվակով, օգտագործելով ՀՀ Ազգային ժողովի ամբիոնը, փորձել է ճնշում գործադրել դատարանի վրա, որը, ըստ էության, արդարադատության իրականացմանն ուղղված միջամտություն է: Նման վարքագիծը ոչ միայն հարիր չէ ՀՀ Ազգային ժողովի պատգամավորին, այլև կարող է առաջացնել  քրեական պատասխանատվություն»,- ասված է Վճռաբեկ դատարանի տարածած հաղորդագրության մեջ: 

Պատգամավորին առնչվող դատական գործը կապված է նրա հորը վթարի անչափահաս երիտասարդին ՀՀ Անկախության 20-ամյակի առթիվ հայտարարված համաներմամբ ազատ արձակելու հետ:

Հոկտեմբերի 4-ին ԱԺ-ում ունեցած իր ելույթում Սպարտակ Մելիքյանը դատարանը համարել էր ամենաշահավետ բիզնեսը, ՀՀ վճռաբեկ դատարանի նախագահ Արման Մկրտումյանին և քրեական գործերով պալատի նախագահ Դավիթ Ավետիսյանին մեղադրել էր կոռուպցիայի մեջ: