Ավտովթար` Նորավանք տանող ճանապարհին

Երեկ Վայոց ձորում` Նորավանք տանող ճանապարհին ավտովթար է տեղի ունեցել:

ԱԻՆ «Արտակարգ ալիք» լրատվականը տեղեկացնում է, որ դեռևս չպարզված հանգամանքներում «ՎԱԶ-2107» մակնիշի 1975 Լ պետհամարանիշով ավտոմեքենան դուրս է եկել ավտոճանապարհի երթևեկելի մասից և ընկել ձորը:

Դեպքի վայր ժամանած փրկարարները ավտոմեքենայից դուրս են բերել վարորդ, 1979 թվականին ծնված Արմեն Զաքարյանին և հանձնել  շտապ օգնության ծառայության աշխատակիցներին: Մարմնական վնասվածքներով հիվանդանոց են տեղափոխվել նաեւ մեքենայի ուղեւորները` 1977թվականին ծնված Արթուր Հունանյանն ու 1979 թվականին ծնված Արմեն Սահակյանը:

Ա.Զաքարյանի առողջական վիճակը գնահատվել է ծանր, իսկ Ա.Հունանյանինը և Ա.Սահակյանինը` բավարար: