Էրդողանը սպառնացել է Թրամփին, որ եթե պատժամիջոց կիրառվի, կդիմի միջազգային դատարան

Թուրքիայի նախագահ Ռեջեփ Թայիփ Էրդողանը Ճապոնիայի Օսակա քաղաքում ընթացող G-20 գագաթնաժողովում ուշագրավ հայտարարություններ է արել. նշում է sozcu.com.tr կայքը:

Պատասխանելով հարցին, թե արդյո՞ք «կանխարգելելու է Թրամփի` Թուրքիայի դեմ պատժամիջոցների կիրառումը», Էրդողանը պատասխանել է. «Հավատում եմ, որ G-20-ի գագաթնաժողովում Թրամփի հետ մեր հանդիպումը երկկողմ հարաբերություններում կվերացնի հանգույցները, և դա կարևոր կլինի մեր դաշնակցային հարաբերությունների հզորացման համար»:

Նշելով, որ Թրամփը հուլիսին կարող է այցելել Թուրքիա, նա հայտարարել է. «Մենք մինչ այժմ Ֆ-35 կործանիչների ծրագրի համար 1.25 մլրդ դոլար ենք ծախսել: Եթե նման սխալ գործողություն կատարվի, միջազգային դատարան կդիմենք, քանի որ կցանկանանք հետ բերել մեր ծախսած գումարները: Մենք առևտուր անող, սակարկող չենք, մենք համատեղ արտադրողներից մեկն ենք»: