Երեխաներին սպանած մայրը հոգեկան հիվա՞նդ, թե՞ հասարակության զոհ

«Ակնհայտորեն հոգեկան հիվանդության պատճառով է սպանությունը, քանի որ նման դեպքերը բնորոշ չեն ո'չ մեզ, ո'չ էլ մեկ այլ հասարակության»,- Արարատի մարզի բնակչուհի Ռոզա Ալոյանի կողմից երկու մանկահասակ որդիներին խեղդամահ անելու դեպքի մասին իր կարծիքը հայտնեց հոգեբան Սամվել Խուդոյանը:

Ըստ նրա` ֆանատիկ աղանդի հետեւորդ լինելը եւս կարող է պատճառներից մեկը լինել, բայց այս դեպքում սոցիալական ծանր վիճակը կամ հասարակությունը մեղավոր չէ:

Իսկ դրամատուրգ Կարինե Խոդիկյանը կարծում է, որ կինն ունեցել է իր ներքին խնդիրները, որոնք կյանքի ընթացքում ավելի են սրվել: «Մենք բոլորս մանկությունից ենք գալիս, և մեր բոլոր ֆոբիաները, հաջողություններն ու անհաջողությունները մանկությունից են գալիս»,- նշեց նա:

Դրամատուրգի համոզմամբ՝ նման տարօրինակ դեպքերի համար մեղավոր է նաեւ հասարակությունը, քանի որ մեր հասարակությունն ամեն ինչ է, բացի մարդկային լինելուց:

«Այսպիսի խոսք կա, չէ՞, ամեն մարդ ունի իր կմախքը պահարանում, այսինքն՝ ամեն մարդ ունի իր պրոբլեմները»,- ասաց նա:

լուսանկարը` Ա. Եղիազարյանի