Եգիպտացիները գրավել են Իսրայելի դեսպանատունը

Եգիպտոսի առողջապահության նախարարության տվյալներով` դեսպանատան մոտ տեղի ունեցած քաշքշուկի եւ ոստիկանության հետ բախումների արդյունքում վիրավորված 240 քաղաքացիները տեղավորվել են Կահիրեի տարբեր հիվանդանոցներում:

Մոտ 10 հազար ցուցարարների դեմ պայքարող ոստիկանները նրանց ցրելու նպատակով արցունքաբեր գազ են օգտագործել եւ օդ կրակել, իսկ կատաղած ցուցարարներն այրել են ոստիկանական երկու մեքենա: 17 հոգի ձերբակալվել է:

Ըստ CNN-ի`Եգիպտոսի ներքին գործերի նախարարությունից հայտնել են, թե կասկածում են, որ միջադեպը հրահրել են օտարերկրյա ուժերը: Իսկ արտգործնախարար Մուհամմեդ Քեմալ Ամրը ընդհատել է իր ուղեւորությունը Եվրոպա եւ վերադարձել է Կահիրե: