Ազգային բնութագրի լավագույն մարմնավորում

Օգոստոսի 24-30-ը Ուկրաինայի Խմելնիցկի քաղաքում կայացել է մոնոներկայացումների «Վիդլունիա» 12-րդ միջազգային փառատոնը: Հայաստանը ներկայացրել է Հ.Պարոնյանի անվան երաժշտական կոմեդիայի պետական թատրոնի արտիստուհի Զարուհի Խաչատրյանը` Կարինե Խոդիկյանի «Վերադառնում եմ, մոռացեք...» ներկայացումով:

350 հանդիսատեսի համար նախատեսված լեփ-լեցուն դահլիճի ու փառատոնի պատվավոր հյուրերի կողմից Զարուհի Խաչատրյանի խաղը գնահատվել է շատ բարձր: Ներկայացումից հետո անցկացված քննարկմանը, որին մասնակցել են տարբեր երկրների ոլորտի պատասխանատուներն ու պրոֆեսիոնալները, դրվատանքով են անդրադարձել Զարուհի Խաչատրյանի դերասանական խաղին ու բեմական խոսքին:

Դերասանուհին արժանացել է փառատոնի «Ազգային բնութագրի լավագույն մարմնավորում» անվանակարգի դիպլոմին: