Սեւանում կստեղծվեն 65 հանրային լողափեր

Սեւանի ափերին առաջիկա տարիներին կստեղծվեն 65 հանրային նոր լողափեր. Սեւան այցի ժամանակ հայտարարել է Հայաստանի բնապահպանության նախարար Արամ Հարությունյանը` հավելելով, որ հանրային լողափերի ստեղծումը կիրականացվի ըստ կառավարության հաստատած նախագծի:

2012 թվականին հանրային երրորդ լողափը կբացվի Լճաշեն գյուղի հարակից մասում:

Վիճակագրությունը ցույց է տալիս, որ Սեւան քաղաքի մերձակայքում արդեն գործող 2 հանրային լողափեր այս ամռանն այցելել է 100-110 հազարմարդ: Գեղարքունիքի մարզպետ Նվեր Պողոսյանը նշել է, որ այս տարի լուրջ աշխատանքներ են կատարվել լճի ափամերձ տարածքները մաքուր պահելու համար, որը եւ, ըստ մարզպետի հաջողվել է: «Եթե համեմատենք նախորդ տարիների հետ, ապա Սեւանն այս տարի անհամեմատ մաքուր է»,- ասել է մարզպետը: