Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Երևանի քաղաքապետ Կարեն Կարապետյանն այսօր ընդունել է շուրջերկրյա ճանապարհորդություն իրականացրած «Արմենիա» առագաստանավի անձնակազմին:
Կարեւորելով առաջին հայկական շուրջերկրյա նավարկությունը` քաղաքապետն ընդգծել է, որ խմբի կատարածը հայրենասիրության յուրովի դրսեւորում է: «Աշխարհը հնարավորինս շատ պետք է լսի ձեր այս նախաձեռնության և մեր երկրի մասին»,- նշել է Կարեն Կարապետյանը:
Նավարկության ղեկավար Զորի Բալայանը քաղաքապետին պատմել է անակնկալներով, դժվարություններով ու ձեռքբերումներով լի իրենց ճանապարհորդության մասին: Մշակված երթուղին ուներ հատուկ առաքելություն. չշրջանցել աշխարհի որևէ անկյուն, որտեղ գոնե մեկ հայ է ապրում:
Զորի Բալայանը Կարեն Կարապետյանին է հանձնել շուրջերկրյա ճանապարհորդություն անցած Երևանի դրոշը: