Քարերով սպանել են

Հարավային Հնդկաստանի Կարնատակա նահանգի գյուղացիները 10 ենթադրյալ գողերի ծեծելով սպանել են: Տեղեկացնում է BBC-ն:

Ավելի քան 70 մարդ է ձերբակալվել գործի առնչությամբ: Ոստիկանությունը հայտնում է, որ գյուղացիները ցանկացել են գողերին խանգարել «գործը» իրագործել:

«Զոհերը» երիտասարդներ են եղել եւ եկել են հարեւան նահանգից: Մոտ 2000 գյուղացիները նրանց բեռնատարից դուրս են քաշել եւ քարերով ու մահակներով ծեծի ենթարկել, մինչ նրանք բոլորը մահանան:

Ոստիկանության նախնական հետաքննության արդյունքների համաձայն, գյուղացիները կարծել են, թե նրանք պատկանում են հանցագործ խմբի: «Ես երբեք նման վայրենի վերաբերմունք չեմ տեսել: Մարդիկ քարերով սպանեցին այդ տղաներին»,- հայտարարել է ոստիկանության մամուլի պատասխանատուն: