Մրցակիցը, ընկերը եւ մարզպետը

Ալավերդու քաղաքապետ Արթուր Նալբանդյանը կդառնա Լոռու մարզպետ: Լուրը հաստատեց նաեւ ՀՀԿ մամուլի խոսնակ Էդուարդ Շարմազանովը` նշելով, որ այդ որոշումը կհաստատվի հինգշաբթի օրը` կառավարության նիստում:

Հիշեցնենք, որ Էդուարդ Շարմազանովն ու Արթուր Նալբանդյանը Ալավերդիի քաղաքապետի ընտրություններում մրցակիցներ են եղել: Այն ժամանակ Արթուր Նալբանդյանը դեռ հանրապետական չէր: «Հետո ինչ, որ մրցակիցներ ենք եղել: Արթուր Նալբանդյանն իմ ընկերն է, եւ ես նրան ամեն կերպ օժանդակելու եմ Լոռու մարզպետի պաշտոնում»,- «Երկիր»-ի հետ զրույցում ասաց Էդուարդ Շարմազանովը:

Հարցին, թե ի՞նչ նպատակ ուներ մի հանրապետականին մեկ ուրիշով փոխարինելը, Շարմազանովը պատասխանեց, որ դա ընդամենը կադրային քաղաքականության հետեւանք է: