Արցախի համալսարանը 7 հնդիկ ուսանողներ կունենա

ԼՂՀ կառավարության այսօրվա նիստում հաստատվել է օտարերկրյա քաղաքացիների` ԼՂՀ բուհեր ընդունվելու կարգը։

Ինչպես նիստի ժամանակ նշեց ԼՂՀ կրթության եւ գիտության նախարար Վլադիկ Խաչատրյանը, սփյուռքահայ ուսանողները կարող են նաեւ անվճար սովորելու իրավունք ստանալ: Արտասահմանցի ուսանողների ուսուցումը կարող է կազմակերպվել գրական հայերենով կամ օտար լեզուներով:

Վլադիկ Խաչատրյանի տեղեկացմամբ՝ հայերենով ուսուցում ստանալ ցանկացողների համար կկազմակերպվեն հայերենի վեցամսյա դասընթացներ։ «Այս տարվա սեպտեմբերի 1-ից Արցախի պետական համալսարան կընդունվեն նախապատրաստական բաժնում սովորող 7 հնդիկներ»,- տեղեկացրեց նախարարը։