Հռոմի պապն Աբդուլ Համիդին կոչ է արել դադարեցնել հայերի կոտորածները

Վատիկանը Հայոց ցեղասպանությանը վերաբերող իր արխիվային փաստաթղթերը հրատարակելու է առանձին հատորով:

Ինչպես տեղեկացնում է թուրքական Vatan թերթը, Վատիկանի արխիվների պատասխանատու մոնսենյոր Սերջիո Պագանին հայտնել է, որ փաստաթղթերից մեկում նշվում է, որ 1896 թվականին Հռոմի պապ Լեո 13-ը սուլթան Աբդուլ Համիդին կոչ է արել գթասրտություն ցուցաբերել և դադարեցնել հայերի կոտորածները։

Թուրքական թերթն այնուհետեւ մեջբերում է այդ ժամանակ թուրք զինվորականների իրականացրած վայրագություններից զարհուրելի դրվագներ։ 

Հիշեցնենք, որ օրեր առաջ, տեղեկացնելով, որ Վատիկանը պատրաստվում է բացել գաղտնի արխիվները, որոնցում բացառիկ փաստաթղթեր կան նաեւ Հայոց ցեղասպանության վերաբերյալ, մոնսենյոր Պագանին ասել էր.  «Այդ փաստաթղթերն անհավանական են ու սահմռկեցուցիչ, թուրք զինվորները դաժան են, անխիղճ եւ անմարդկային»: