Սասուն Միքայելյանը Սերժ Սարգսյանին լեգիտիմ նախագահ չի համարում

ՀԱԿ-ը պահանջում է արտահերթ ընտրություններ, քանի որ Սերժ Սարգսյանին չի համարում օրինական ճանապարհով ընտրված նախագահ: «Երկիր»-ի այն հարցին, թե նախկին հանրապետական, վերջերս համաներմամբ ազատ արձակված ընդդիմադիր գործիչ Սասուն Միքայելյանը Ս. Սարգսյանին լեգիտիմ նախագահ համարո՞ւմ է, պատասխանն այս եղավ. «Բնական է, չեմ համարում»:

Այնուհետեւ Սասուն Միքայելյանը ավելացրեց. «Մեր ընտրությունները 1991 թվականից հետո նույն ոճով է ընթացել: Ես էդ ոճին եմ դեմ, որ նման կարգով` ջարդելով, փշրելով նախագահ ընտրենք: Ես ողջունում եմ էդ երկխոսությունը (ՀԱԿ-իշխանություն), որ գնանք գոնե մի անգամ լեգիտիմ նախագահ ընտրենք, ժողովուրդը գնա, իր ազատ կամքն արտահայտի, ում ուզում է` թող ընտրի, ես պրոբլեմ չունեմ: Բայց, վերջիվերջո, այդ ինստիտուտը պիտի կայանա էս երկրում»: