Բռնաբարությունը` որպես զենք

Միջազգային քրեական դատարանի գլխավոր դատախազ Լուիս Մորենո-Օկամպոն հայտարարել է, որ ներկայումս քննարկվում է այն բանի հավանականությունը, որ Լիբիայի առաջնորդ Մուամար Քադաֆին իր զինվորներին «Վիագրա» է բաժանել: Ըստ դատախազի` իր ծառայությունը տվյալներ է հավաքել բռնաբարությունների մասին, որոնք համոզում են, որ Քադաֆին այդպիսով բնակչության շրջանում սարսափ առաջացնելու նոր մեթոդ է կիրառել:

Օկամպոն նշել է, որ իրենք նաեւ վկաներ ունեն, որոնք հաստատում են, որ լիբիական կառավարությունը մեծ քանակներով «Վիագրա»-ի տիպի դեղորայք է ձեռք բերում:

«Մենք փորձում ենք պարզել, թե ովքեր են կոնկրետ մասնակցում այդ գործարքներին»,- ասել է Միջազգային քրեական դատարանի գլխավոր դատախազը: