Ներկրվում եւ արտահանվում են նույն ապրանքները

Մեր երկրում արտահանման ծավալները մոտ 25 տոկոսով քիչ են, քան ներկրման ծավալները: Եվ արդեն 5-6 տարի է, ինչ արտահանվում ու ներկրվում են գրեթե նույն ապրանքները:

Այսօր լրագրողների հետ հանդիպման ժամանակ Հայաստանի գործատուների հանրապետական միության նախագահ Գագիկ Մակարյանը նշեց, որ արտահանման դեպքում 15 անուն ապրանքները կազմում են ընդհանուր արտահանվող ապրանքների 80 տոկոսը: Այսինքն` բիզնեսի դիվերսիֆիկացման, նոր ապրանքներ արտահանելու խնդիր կա:

Այդ 15 ապրանքի թվում են` մոլիբդենի, պղնձի տեսակները, ադամանդը, ոսկին, կոնյակը եւ այլն: Դրանց մեջ էլ գերակշռում են հանքարդյունաբերական ապրանքները` 65-70 տոկոս:

Ներկրման դեպքում էլ պատկերը նույնն է. մոտ քսանհինգ ապրանքատեսակ կազմում է ամբողջ ներկման ծավալների 50 տոկոսը: Դրանցից են` նավթը, գազը, շաքարը եւ այլն: