Կընդունվեն բոլորը

Այս պահի դրությամբ` Հայաստանի բուհերի դիմորդների թիվն ընդամենը 1209 է` անցյալ տարվա 17.655 դիմորդի փոխարեն:

Սա պայմանավորված է այն հանգամանքով, որ այս տարի շրջանավարտներ չեն լինելու, եւ դիմորդները հիմնականում անցյալ տարի դուրս մնացած եւ բանակից նոր զորացրված երիտասարդներն են: Նկատի ունենալով, որ հուլիսի սկզբին կզորացրվեն նաև 2009 թ. գարնանը զինված ուժեր զորակոչվածները, այս թիվը կավելանա առավելագույնը 1500 դիմորդով:

Օրինակ` անցյալ տարի ամենամեծ թվով դիմորդներ քննություն են հանձնել «Հայոց լեզու» առարկայից` 11.162, այս տարի այդ թիվն ընդամենը 609 է:

Ինչպես «Երկիր»-ին տեղեկացրին ԳԹԿ-ից, դիմորդների թվի կրճատմանը զուգահեռ, կկրճատվեն նաեւ քննակենտրոնները: Ամեն տարածաշրջանում կձեւավորվի մեկ քննակենտրոն:

Մինչդեռ ապրիլի 28-ի կառավարության նիստում հաստատվեցին պետպատվերով տեղերը՝ 2428, իսկ վճարովիները՝ 18500: