Ուղերձ` Թուրքիայի վարչապետից

Թուրքիայի վարչապետ Ռեջեփ Թայիփ Էրդողանը հայտարարել է, որ մինչեւ Ղարաբաղի հարցը չլուծվի, Հայաստանի հետ հարաբերությունները նորմալացնելն անհնար է:

Իգդիրի հրապարակում տեղի ունեցած նախընտրական հանրահավաքի ժամանակ Էրդողանն անդրադարձել է Հայաստանի հետ հարաբերություններին եւ Ղարաբաղյան հարցին:

Նա տեղեկացրել է, որ Նախիջեւանի ճանապարհն ավարտին է հասցվելու եւ շահագործման է հանձնվելու:

CNNturk-ի փոխանցմամբ` նա նշել է, որ Ղարաբաղի եւ Նախիջեւանի հարցը նաեւ Թուրքիայի հարցն է:

«Ադրբեջանի վիշտը մեր վիշտն է, ուրախությունը` մեր ուրախությունը: Այստեղ` Իգդիրում, մեկ անգամ էլ եմ ասում. քանի դեռ ղարաբաղյան հարցը չի լուծվել, Հայաստանի հետ հարաբերությունների նորմալացում հնարավոր չէ:

Առաջին օրվանից Ղարաբաղի թիկունքում էինք եւ միշտ էլ շարունակելու ենք լինել: Այս հարցում մեզանից ոչ ոք թող ուրիշ բան չսպասի: Այդ մասին ԵԽԽՎ-ում որոշ հայ եւ նրանց կողմնակից պատգամավորներ էլ հարցրին եւ անհրաժեշտ պատասխանը ստացան»,- ասել է նա: