Առեւտրականները վարչապետից պատասխան են ուզում

Տոնավաճառներոմ աշխատող առեւտրականներն այս պահին կառավարության շենքի դիմաց բողոքի ցույց են անում: Պատճառը վերջին օրերին Թուրքիայից եւ Չինաստանից ներմուծվող բեռանափոխադրումների մաքսային ծախսերի բարձրացումն է:

Ցուցարարների խոսքով` Թուրքիայից ներկրվող 1 կգ ապրանքի մաքսատուրքը բարձրարցել են 4-ից 8, իսկ Չինաստանից բերվողը` 7-ից 15 դոլար:

«Վար-չա-պետ» եւ «Պա-տաս-խան» կոչերով ցուցարարները հանդիպում են պահանջում ՀՀ վարչապետի հետ: Ցանկանում են լսել կամ նրա հիմնավորումները` այս բարձրացման վերաբերյալ, իսկ եթե հիմքեր չկան` ապա խնդրում են` իջեցնել գինը:

Ցուցարարները առավոտյան ժամը 9-ից հավաքաված են կառավարության շենքի մոտ: Ժամեր առաջ նրանցից երեքին ընդունել են, սակայն հստակ պատասխան չեն տվել: Խոսոտացել են, որ մինչեւ ժամը 5-ը կքննարկեն հարցը եւ պատասխան կտան:

Սակայն մինչեւ այժմ որեւէ արձագանք չկա: Հավաքվածները մերթընդմերթ առաջ են գնում դեպի շենքի մուտքը, սակայն ոստիկանները օղակել են նրանց, զսպում են:

Ոստիկանության հրամանատար Վալերի Օսիպյանը հորդորում է տեղի չտալ քաղաքական որոշ ուժերի ներկայացուցիչների սադրանքներին, հարցը չքաղաքականացնել: