Սևակի մահը կատակի արդյունք չէ

«Եթե դիմումդ հետ չվերցնես, քեզ կվառենք»,- սպառնացել է թուրք հրամանատարը ապրիլի 24-ին թուրքական բանակում հրազենից սպանված հայազգի զինծառայող 25-ամյա Սևակ Շահին Բալըքչըին:

Սևակի հարսնացուն` Մելանի Կումրույանը, պատմել է, որ անցյալ ամիս զորամասում 50 լիրա փողի կորստի պատճառով Սևակն իր հրամանտարի կողմից ծեծի է ենթարկվել: Երբ դեպքից հետո Սևակը հրամանատարի դեմ բողոք է ներկայացրել, նրան սպառնացել են և ստիպել, որ դիմումը հետ վերցնի:

«Ես չեմ հավատում, որ կատակի արդյունքում է Սևակը սպանվել: Այսքան շատ պատահականություններ չեն կարող լինել»,- ասել է Մելանին:

Սևակի մահվան կապակցությամբ կազմվել է զեկույց, որում նշված է, իբր տղան մահացել է ծառայակից ընկերոջ հետ կատակելու ընթացքում հրազենից արձակված կրակոցից, վկա չկա:

Տղայի ծնողները նույնպես չեն հավատում այդ վարկածին եւ հետաքննություն են պահանջում: