Ավտովթար. վարորդը մահացել է

Այսօր վաղ առավոտյան ահազանգ է ստացվել, որ Գեղարքունիքի մարզում` Մարտունի-Վաղաշեն ավտոճանապարհի 2-րդ կիլոմետրում տեղի է ունեցել ավտովթար: Դեպքի վայր է մեկնել փրկարարների մեկ մարտական հաշվարկ:

Ինչպես տեղեկացնում է «Արտակարգ ալիք» լրատվական կենտրոնը, դեռևս չպարզված հանգամանքներում ԳԱԶ-3110 մակնիշի 16 ԼԼ 656 պետհամարանիշով ավտոմեքենան բախվել է ճամփեզրին և շրջվել, ինչի հետևանքով ավտոմեքենայի վարորդը ստացել է տարբեր աստիճանի մարմնական վնասվածքներ:

Մինչ փրկարարների տեղ հասնելը վարորդին դուրս են բերել ավտոմեքենայից և տեղափոխվել Մարտունի քաղաքի կենտրոնական հիվանդանոց, որտեղ էլ նա մահացել է: Վարորդի ինքնությունը դեռ չի հաջողվել պարզել:

Ավտովթարի հետևանքով տեղի է ունեցել վառելիքի արտահոսք: Հրշեջ-փրկարարներն ավտոմեքենան դուրս են բերել երթևեկելի մասից եւ կատարել լվացման աշխատանքներ: