Թուրք բանտարկյալները "Ակօս" չեն ստանում

Թուրքիայի բանտարկյալները, ներառյալ` վերջերս ձերբակալված 2 թուրք լրագրողները, բողոքել են, որ չեն ստանում «Ակօս» հայկական թերթը:

Հայտարարվել է, որ «Ակօս»-ը երկրի արդարադատության նախարարության սեւ ցուցակում է, սակայն նախարարությունը հերքել է այդ տեղեկատվություն. տեղեկացնում է թուրքական «Հուրիեթը»:

«Ակօսի» խմբագրությունը թերթը բանտեր չհասնելու պատճառը փորձել է պարզել բանտերի ղեկավարության եւ Մարդու իրավունքների պաշտպանության կոմիտեի հետ, սակայն որեւէ պատասխան չի ստացել:

«Ակօս» հայերեն-թուրքերեն թերթը հրատարակվում է արդեն 15 տարի, իսկ անցած շաբաթ այն առաջին անգամ հայտնվեց Թուրքիայի Ազգային մեծ ժողովի գրադարանում: