Երկնաքերներ` Վրաստանում

Եթե ամերիկացի գործարար Դոնալդ Թրամպը որոշի «գաղթել» ԱՄՆ-ից, ապա կարող է գնալ Վրաստան եւ նույնիսկ իր թեկնածությունն առաջադրել Վրաստանի նախագահի ընտրություններում: The New Yorker –ը գրում է, որ գործարարին այսպիսի առաջարկ է արել Վրաստանի նախագահ Միխեիլ Սահակաշվիլին` ԱՄՆ այցի ժամանակ:

Կմասնակցի՞ Թրամպը Վրաստանի նախագահական ընտրություններին, դեռ պարզ չէ, սակայն նա մտադրություն ունի իր թեկնածությունը ներկայացնել ԱՄՆ նախագահի 2012-ի ընտրություններին: Նա նույնիսկ պահանջել է ԱՄՆ նախագահ Բարաք Օբամայի ծննդյան վկայականը` մտածելով, թե Օբաման ինչ-որ բան է թաքցնում:

Վրաստանի նախագահի գլխավորած պատվիրակության եւ Թրամպի միջեւ գործարք է կնքվել, ըստ որի` վերջինս ներդրումներ է կատարելու Վրաստանում. Թբիլիսիում եւ  Բաթումում երկնաքերներ է կառուցելու:

Գործարքի կնքումից հետո կողմերը այն նշել են Four Seasons հյուրանոցում: