Յուրաքանչյուրիս մեկ հատ կարմրացրած ձու կհասնի

ՀՀ տնտեսական մրցակցության պաշտպանության պետական հանձնաժողովի ուսումնասիրությունները փաստում են, որ ամեն տարի, Ս. Զատիկի տոնի հետ կապված, ՀՀ-ում նկատվում է ձվի պահանջարկի ավելացում:

Որպեսզի տնտեսվարողները, առիթից օգտվելով չարաշահումներ թույլ չտան, այսօր հանձնաժողովը իր նիստում որոշել է ամենօրյա հսկողություն սահմաննել վերջիններիս գործունեության նկատմամբ: Արտադրողներից հանձնաժողովն ամեն օր կպահանջի տեղեկատվություն արտադրության, իրացման ծավալների, մնացորդի, ինչպես նաեւ բացթողնման գների վերաբերյալ: Գների փոփոխության դեպքում տնտեսվարողները պետք է ներկայացնեն նաեւ համապատասխան հիմնավորումներ:

Հանձնաժողովին տեղեկատվություն են տրամադրելու նաեւ սուպերմարկետները` կապված արտադրողների կողմից իրենց մատակարարվող ձվի ծավալների վերաբերյալ:

Հանձնաժողովի լրատվական բաժնից տեղեկացնում են, որ մոնիտորինգի խումբը շարունակում է մանրածախ առևտրի կետերում իր ամենօրյա դիտարկումները` հատուկ ուշադրություն դարձնելով հատկապես ձվի ապրանքային շուկային: