Մի գրչի պատմություն (տեսանյութ)

Չեխիայի նախագահ Վացլավ Կլաուսը Չիլի այցելության ժամանակ գողացել է արարողակարգային գրիչը:

Միջադեպը տեղի է ունեցել Չիլիի նախագահ Սեբաստիան Պինիերայի հետ փաստաթղթերի ստորագրման ժամանակ:

Չեխական ԶԼՄ-ները արձանագրել են այդ պահը տեսանյութում, որից երեւում է, թե ինչպես է Կլաուսը գրչամանից վերցնում գրիչը, այն պտտում ձեռքում, ապա  գրիչը տանում է սեղանի տակ ու մյուս ձեռքով դնում կոստյումի գրպանը: Այնուհետեւ, կարծես ոչինչ չի  եղել, փակում է գրչամանը:

Օրեր առաջ Չեխիայի «Առաջին ալիք» հեռուստաընկերությունն այդ կադրերը հեռարձարկել է իր հաղորդաշարերից մեկով: Չեխերի մեծ մասը շոկի մեջ է իրենց նախագահի պահվածքից:

Ի դեպ, փաստաթղթերի ստորագրման համար նախատեսված գրիչը ընդունված չէ որպես հիշատակ վերցնել:

Գալուստ ՆԱՆՅԱՆ

Տեսանյութը` այստեղ: