Երբ դանակը ոսկորին է հասնում

Աշխարհում մահացությունների 57 տոկոսը սիրտ-անոթային հիվանդություններից է, եւ այս թիվը գնալով աճում է:

Ուշագրավ է այն հանգամանքը, որ այդ հիվանդությունների պատճառով մահացությունների մեծ մասը բաժին է ընկնում զարգացած երկրներին, որտեղ մեծ է մրցակցության գործոնը:

«Դիագնոստիկա» բժշկական միավորման սիրտ-թոքային կլինիկայի ղեկավար Մարինե Օրդյանը լրագրողների հետ հանդիպման ժամանակ նշեց, որ Հայաստանում սիրտ-անոթային հիվանդություններով տառապող մարդիկ բժշկի են դիմում այն ժամանակ, երբ դանակը ոսկորին է հասած լինում. պատճառները ե'ւ հոգեբանական են, ե'ւ սոցիալական, ինչպես նաեւ` անվստահությունը բժիշկների նկատմամբ: