Ջիվանն էնքան հիմար չի, որ իր երեխուն փչացնի

Լրագրողների հետ հանդիպման ընթացքում դուդուկի վարպետ Ջիվան Գասպարյանը պատմեց մարտի 26-ին Մոսկվայի երաժշտության տանը կայացած համերգի մասին: Նա նշեց, որ այդ համերգը պատրաստվում են կրկնել նաեւ Հայաստանում` հավանաբար աշնանը:

Վարպետը զարմացել էր, որ թեեւ համերգի տոմսերը թանկ են եղել` 200-800 դոլար, դահլիճը լեփ-լեցուն է եղել:

Համերգին մասնակցել է նաեւ վարպետի թոռը` կրտսեր Ջիվանը, ով պապի համոզմամբ` իրենից էլ լավ է նվագում: «Ջիվանը էնքան հիմար չի, որ իր երեխուն փչացնի»,- ասաց ավագ Ջիվան Գասպարյանը` շեշտելով, որ եթե թոռը տաղանդ չունենար, ինքը չէր թողնի, որ նա նվագի:

Ջիվան Գասպարյանին հուզել էր այն, որ մոսկովյան համերգից հետո իրեն մոտեցել էին երիտասարդ ռուս աղջիկներ ու ասել, որ իրենք նոր են հասկանում հայկական երաժշտությունը։

Ապրիլի 29-ին երաժիշտները համերգով հանդես են գալու նաեւ Կրեմլի դահլիճում: